Ginjaw ginra de hpyen n gun jat lung wa ai, gumshem Myen hpyen dap hpe KIA ni hkap gap gasat
Manmaw hte Myitkyina maga na Ginjaw Ginra de hpyen n gun jat lung wa ai gumshem Myen hpyen dap hte KIA ni, July shata 25 ya shani gasat gala majan byin ai lam, shawnglam shiga lawk kaw na chye lu ai.
Dai hpawt hkying 7:50am aten daram hta Ja Pu Mali Yang maga na shamu shamawt pru wa ai, gumshem Myen hpyen hpung ni hpe KIA Masat (1) Dap Nawng Daju pawng hpawm hpyen hpung ni hkap gap gasat dat sai re.
Matut nna dai na daw hkying 2:30pm aten daram hta mung, Katsu Dabak maga na pru wa ai gumshem Myen hpyen hpung ni hpe KIA hpyen hpung ni Sama lam numshe lai ai kaw, hkap gap ai kawn gasat poi byin ai.
July shata 25 ya shani hta sha, Manmaw maga na hpyen n gun jat lung wa ai gumshem hpyen hpung ni hpe, KIA ni Dingga Hka La mayan kaw hkap gap gasat ai lam, shawng lam shiga lawk kaw na chye lu ai.
