Gumshem Myen hpyen ni hpe KIA ni laknak kaba hte sa gap

KIA Masat (5) Dap Ba, Masat (3) Dap Dung ginra, Katsu mare kaw shara jahkrat nga ai gumshem Myen hpyen ni hpe, July shata praw 5 ya shana daw hkying 3:35pm aten daram hta KIA ni laknak kaba hte sa gap bun ai lam chye lu ai.

KIA ni sa gap ai hpang, gumshem Myen hpyen ni mung, Sama lam numshe, Ja Pu maga de laknak kaba (12) lang bai nhtang gap bun ai lam, shawnglam shisawk ni kaw na chye lu ai.

Ya aten, Ginjaw ginra makau grupyin shara ni hta gumshem Myen hpyen hte KIA ni shani shagu ngu na gasat gala majan byin nga ai rai nna, Manmaw, Myitkyina hte Mali Hka lam hku, gumshem Myen hpyen ni n-gun matut jat nga dingyang re hpe mung na chye lu ai.

August shata praw 5 ya shani hta sha, Mungmyit Sinli Ga (Kachin Sub-State), Namhpakka kaw dap jung nga ai gumshem Myen hpyen dap Hk.L.Y (123) dap kaw nna Kawng Sak Bum maga de laknak kaba 2 lang gap shadam bun ai lam nga ai.

Dai hpang shana daw hkying 4:30pm

aten hta mung, Kutkai gumshem Myen hpyen Hk.L.Y (241) dap ni အမွတ္တရကုန္း kaw nna, Nawng Swi maga de laknak kaga 2 lang gap shadam bun ai lam chye lu ai.

Dai ni, August shata praw 6 ya jahpawt hkying 5:00am aten daram hta, Nam Hpalun kyu hpyi bum kaw nga ai gumshem Myen hpyen dap ni sinat kaba gap shadam dat ai majaw, Hpungtau Maran Naw Ding a dum nta kaw wa hkrat kapaw ai raitim, masha hta hkra hkala ai lam nnga ai hpe buga masha ni kaw na chye lu ai.

၎

င

၎

၎