Share Shagan Masat Ninghtoi hpawng galaw
Wunpawng Mungdan Shanglawt Hpung Ginjaw Komiti Rung zuphpawng gawknu kaw, August shata praw 10 ya jahpawt hkying 7:00am aten hta Share Shagan Masat Ninghtoi hpawng hpe galaw la lu sai re.
Lat Du Up Maran Hkun Seng kaw nna, Wunpawng Mungdan Shanglawt Kongsi Ningbaw, Wunpawng Mungdan Shanglawt Hpyen Dap, Dap Up Daju Du Daju Jum Nban La a 2023 ning Share Shagan Masat Ninghtoi mungga hpe hti shalai ai.
Share Shagan Masat Ninghtoi hpawng hpe lai wa sai aten hta gaw, mungshawa dap shawa law law hte hpawng chyawm nna galaw ai raitim, ya aten na mungmasahpyenmasa sat lawat a majaw, tinang a Magam Dap, Makan Dap, Dap Ba, Dap Dung hte mare kahtawng ni hta htuk manu ai shara kaw galaw ai lam chye lu ai.
“Myen Mungdan ting chyam hkra gasat gala majan byin nga ai rai majaw, Hpyen Kongsi gaw ramram wa ginchyum chyat nga sai. Hpyen Kongsi gaw mungshawa ni hpe satnat zingri jahten sharun ai bungli galaw nga masai.
Hpyen Kongsi dap hpe gasat nga ai wuhpung wuhpawng ni hte lata gindun nhtawm, rawt malan bungli masing gran sa wa nga sai re. Share Shagan ni a sai tung sai pa nep let gawgap da ai mungdan hpe makawp maga let, Ninggawn Mungmasa Pandung du hkra shakut shaja lit la gunhpai sa wa ga.
Mungdan shara shagu hta du nga ai Wunpawng amyusha ni yawng gaw, dai ni na masat ninghtoi hpe manu shadan let, Share Shagan ni hpe myit dum shagrau sha-a ai hpawng lamang galaaw ra ai. Tai hpyen wa ka-up da ai shara hta shanu nga ai mungshawa ni mung, Share Shagan Masat Ninghtoi hpe manu shadan let, Share Shagan ni hpe myit dum hkungga jaw shagrau sha-a nga ra ai” lam mungga hta tsun da ai.
Share Shagan Masat Ninghtoi byin wa ai lam gaw, lai wa sai 1975 ning August shata praw 10 ya shani hta KIO/KIA Ningbaw Kaba G.O.C Lahtaw Zau Seng nnga mat ai hpe la nna, Share Shagan Masat Ninghtoi hpawng hpe galaw wa ai re hpe chye lu ai.
၎
င
၎
၎
