Ga shingbut gyi ai majaw, mungshawa asak si sum
Ndai laman mara htu sawng ai majaw, Hpakant Nam Maw mare makau na ga shingbut gyi ru wa nna, lung seng tam hkawm ai mungshawa marai (6) asak si sum mat ai lam ginra shiga lawk kaw na chye lu ai.
Asak si sum mat ai mungshawa ni gaw, Nam Maw mare lawk (4) na Shadang Tsu Aung Ting Asak (29) ning, Salang Win San Asak (32) ning, Slg. Zaw Naing Lin (35) ning, Slg. Maung Maung San Asak (47) ning hte Shd. Myu Lin The Asak (24) ning ni rai nna, marai langai na moi mang hpe gaw nmu tam shi ai lam chye lu ai.
Byin ai gaw, June shata 28, laban jahpawt hkying 1:00am aten daram hta rai nga ai, lung seng tam ai ni mung si ntsang goi marang kaba magang hpun daw hkang hkan tam kashun hkat re ten shingbut gyi wa ai hpe nmu kau dat ai majaw, kaput si lawm mat ai rai na sai, nga nna Hpakant ginra na salang langai tsun dan ai.
Hpakant maw ginra hta lung seng tam kau sai ga shingbut gyi ai majaw, shaning shagu ngu na lung seng tam masha shi kahtap tsa lam asak si sum ai lam jahkring hkring byin nga ai hpe mung chye lu ai.
