Hpakant ginra de gumshem Myen hpyen dap ni hpyen n-gun jat bang ai lam ding yang galaw nga
Hpakant ginra hta gumshem Myen hpyen dap hte P.T.Ts pawng hpawm hpyen hpung ni hpyen n-gun jat bang ai lam ding yang galaw nga ai hpe chye lu ai.
April shata praw kawn Hpakant ginra hta KIA pawng hpawm hpyen hpung ni hte gumshem Myen hpyen dap ni gasat gala majan bai byin nga ai hta gumshem Myen hpyen dap shara nkau hpe KIA pawng hpawm hpyen hpung ni gasat zing madu la kau ai hpang, gumshem Myen hpyen dap hte Min Zay Thant woi awn ai Warazup P.T.Ts pawng hpawm hpyen hpung ni ndai laman, hpyen n-gun jat bang ai lam ding yang galaw nga ai nga nna, ginra masha ni tsun ai.
April shata praw 6 ya shani hta mung, Lawa kaw na Warazup P.T.Ts hpyen hpung ni gaw, Hpakant lam kaba hku nlai ai sha, Malang Dung mare maga hku na Hpakant de hpyen n-gun jat bang ai lam galaw nga ai nga nna, ginra masha ni matut tsun ai.
Hpakant ginra hta KIA pawng hpawm hpyen hpung ni hte gumshem Myen hpyen dap ni shani shagu ngu na gasat gala majan byin nga ai hta gumshem Myen hpyen dap ni gaw nbungli, laknak kaba ni hte gap gasat ai lam ding yang ngu na galaw nga ai rai nna, ya aten lahkawng maga hpyen masa shaja hkat nga ding yang re ai hpe chye lu ai.
