KIA Masat (11) Dap Ba ginra gasat gala majan byin nga
KIA Masat (11) Dap Ba ginra hta KIA pawng hpawm hpyen hpung ni hte gumshem Myen hpyen dap ni gasat gala majan byin nga ai lam chye lu ai.
Shwegu hpyen man, Htee Chyaink, Mya Taung hte Mabing ginra ni hta May shata 21 ya shani hta mung, KIA pawng hpawng hpyen hpung ni hte gumshem Myen hpyen dap ni gasat gala majan laja lana matut byin nga ai lam, shawnglam lit nga ai salang ni tsun ai.
Gasat gala majan byin nga ai hta gumshem Myen hpyen dap ni gaw, KIA pawng hpawm hpyen hpung ni gasat zing tawn da sai shara ni de, hpyen n-gun kaba hte hpyen shamu shamawt htu shadut ai lam ni galaw nga ai majaw, gasat gala majan matut byin nga ai re lam chye lu ai.
Manmaw hpyen man de mung, gasat gala majan matut manoi byin nga ai hta gumshem Myen hpyen dap kawn, nbungli hte madung dat gap gasat nga ai rai nna, KIA pawng hpawm hpyen hpung ni mung, ninghkap gap gasat nga ai majaw, lahkawng maga hpyen masa shaja hkat nga ding yang re ai hpe chye lu ai.
