M.P.Hk kaw Myen hpyen dap a laknak arung arai htaw modo hpung ni du shang nga

Myitkyina M.P.Hk kaw lawu mung na lung wa ai, gumshem Myen hpyen dap a laknak arung arai htaw modo hpung ni du shang nga ai lam chye lu ai.

May shata 31 ya shani lawu mung na lung wa ai, gumshem Myen hpyen dap a laknak arung arai, jak sau hte malu masha ni htaw tawn da ai modo (238) M.P.Hk de lai shang wa sai lam, ginra masha ni shana wa ai kaw na chye lu ai.

May shata laman hta sha lawu mung na lung wa ai, laknak arung arai, jak sau hte malu masha ni htaw ai gumshem Myen hpyen dap modo (500) grup yin gaw, ya aten Jinghpaw mung kata du nga sai lam chye lu ai.

Ya na zawn Jinghpaw mung kata gumshem Myen hpyen dap ni hpyen n-gun htu shadut jat bang ai lam ni ding yang galaw nga ai majaw, gasat gala majan mung grau grau na laja wa mai ai hpe chye lu ai.