Ginjaw Komiti a 2024 ning shaning ninghpaw wunli la akyu hpyi hpawng galaw la lu

KIO, KIA Ginjaw Komiti a 2024 ning, shaning ninghpaw wunli la akyu hpyi hpawng hpe January shata praw 1 ya jahpawt hkying 7:00am aten hta Mung Seng Yang Golt pa kaw galaw la lu sai.

Shaning ninghpaw wunli la akyu hpyi hpawng hta Ninggawng Amu Madu kaw nna, KIO, KIA Ning Baw Kaba a 2024 ning shaning ninghpaw shakram mungga hpe hti htawn ai lam galaw ai.

KIO, KIA Ningbaw Kaba a Shaning Ninghpaw Shakram Mungga hta “Mungchying mungshawa ni hte magam gun dap shawa ni e, shaning ladaw ni galai ai hte maren anhte a myit sawn shachyaw machye machyang ni rawt jat wa ra ai. Rawt malan mahkrum madup ni mung grai law nga saga ai. Ndai a mahkrum madup hte machye machyang ni hpe amyu sha lawt lu na magam bungli hta tang du du akyu jashawn jai lang lu hkra zai ladat ningnan gyin shalat la chye ra ga ai. Shaning ningnan du saga ai majaw, lai sai shaning na bungli yi-ngam ni hpe gyinchyum dat ninghtang dinglik yu n-htawm, grau kaja ai masing ni hpe masat jahkrat sa wa ga” nga nna tsun ai.

2024 ning shaning ninghpaw wunli la akyu hpyi hpawng hta Ginjaw Komiti salang ni hte Magam Dap, Makan Dap na magam gum kaji kaba ni sa du shang lawm ai hte gala la lu sai re