Han Htet Myen dap hpe KIA ni padang dip zing la

KIA Masat (3) Dap Ba, Masat (12) Dap Dung ginra, Shwegu Ginwang Han Htet gumshem Myen hpyen dap hpe KIA ni padang dip zing la lu sai lam chye lu ai.

April shata praw 5 ya jahpawt hkying 7:00am aten daram hta Manmaw, Mandalay lam kaba ntsa na Han Htet mare kaw dap jung nga ai, gumshem Myen hpyen dap hpe KIA pawng hpawm hpyen hpung ni padang dip la lu sai lam, lit nga ai salang ni kaw na chye lu ai.

Han Htet gumshem Myen hpyen dap hpe KIA ni padang dip la lu sai hta (319) gumshem Myen hpyen dap ni Han Htet maga de laknak kaba gap bun nga ai lam chye lu ai.

KIA Masat (3) Dap Ba ginra kata KIA hte gumshem Myen hpyen dap lapran hpyen masa shaja hkat nga ding yang rai nna, gumshem Myen hpyen dap nbungli hte shani shagu ngu na bawm wa jahkrat bun nga ai lam chye lu ai.

March shata praw 7 ya shani kaw nna, Ginjaw Ginra hte Myitkyina Laiza, Laiza Manmaw lam kaba ntsa dap jung nga ai, gumshem Myen hpyen dap shara ni hpe KIA ni htim gasat hpang wa ai gaw, ya aten du hkra gasat gala majan laja lana matut naw byin nga ai hpe chye lu ai.

၎

င

၎

၎