KIA hte Myen hpyen hpung ni, shara ( 2 ) kaw gasat majan byin

KIA  Dap Ba ( 2 ), Dap Dung ( 6 ) hte Dap Dung ( 11 ) ginra hta shamu shamawt nga ai Myen hpyen dap, Dapnu ( 101 ) kata na hpyen hpung hte KIA hpyen hpung ni, July praw 2 ya shani shara lahkawng kaw gasat gala majan byin ai lam chye lu ai.

Dai hpawt hkying 8:00am aten kawn hkying 9:30am aten daram du hkra KIA Dung ( 11 ) na hpyen hpung hte Myen hpyen hpung ni, Dumbung mare makau Sai Ling hka mayan kaw kalang gap hkat ai lam, dai na de hkying 3:00pm hte 4:00pm lapran hta gaw, KIA Dap Dung ( 6 ) hpyen hpung ni nga ai Gauri mare shingdu Wan bum kaw, Myen hpyen hpung ni wa htim gap ai kawn laja lana gap hkat ai lam, dai buga na masha ni kawn chye lu ai.