Dum Bung mare salang hte Gauri mare na salang yan hpe Myen hpyen ni tsun sadi jaw

July praw 2 ya shani KIA Dap Dung ( 6 ) hte Dung ( 11 ) ginra hta gasat gala majan byin ai hta Myen hpyen hpung ni kawn Dumbung mare salang Lashi Brang Awng hte Gauri mare na salang Hpauwung Tu Lum yan hpe tsun sadi jaw da ai lam na chye lu ai.

Dai salang yan hpe Myen hpyen ni tsun ai gaw, “KIA ni sa htim gap na, n-gap na gaw, nanhte mare salang ni chye nan chye ra ai, hpa majaw shiga n jaw ai, kalang bai ngoi wa jang nanhte mare salang ni hpe ja ja ahkyak la na” ngu tsun sadi jaw ai lam, buga masha ni tsun ai kawn chye lu ai.