Laika Sasana Saranum yen a amu hpe hparan na matu KBC kawn asuya de tang shawn

Mazut roi rip sat kau hkrum ai KBC ap nawng Saranum yen a mang hkang hpe hparan ya na matu Myen mung gum san magam ဦးထင္ေက်ာ္, ေအာင္ဆန္းစုၾကည္ hte Myen hpyen dap makawp maga hkring mang မင္းေအာင္လူိင္ ni hpang 2016 ning June, 13 ya shani KBC kaw na tang shawn

Mazut roi rip sat kau hkrum ai KBC ap nawng Saranum yen a mang hkang hpe hparan ya na matu Myen mung gum san magam ဦးထင္ေက်ာ္, ေအာင္ဆန္းစုၾကည္ hte Myen hpyen dap makawp maga hkring mang မင္းေအာင္လူိင္ ni hpang 2016 ning June, 13 ya shani KBC kaw na tang shawn ai lam chye lu ai.

Mung Myit Sinli Ga ( Kachin Sub- State ) Ginra, Kawng Hka mare kaw laika hpaji sharin na matu KBC laili laika Sasana Dap kawn lit shatsam dat ai Saranum yen hpe Nawku Jawngwang nta hta 2015 ning January, 19 ya shana mazut roi rip sat kau hkrum ai mang hkang hpe Myen asuya dingsa wa lit nla ya ai majaw ya lung wa ai Asuya nnan kawn hparan ya na matu tang shawn wa ai re lam chye lu ai.

Dai tang shawn laika hpe 2016 ning June, 4 ya shani galaw ai KBC mahtai tam Komiti bawngban hpawng hta myit hkrum nhtawm Mungdan ningbaw ningla Salang ni hte Asuya rung shagu, Sammung, Jinghpaw Mung, Myen hkristan hpung Kongsi shagu, PCG hte KIO, uhpung shagu de tang shawn laika ni hpe sa tawn sai lam KBC amu madu Rev.Dr. Hkalam Sam Sun tsun ai hpe chye lu ai.

June, 4 ya shani na zuphpawng hta KBC kawn hpaw tawn ai Mahtai Sawk Tam Komiti salang marai ( 17 ) kaw Tara Upadi chye ai marai ( 4 ) bai jat la lu sai lam mung matut chye lu ai.