Laiza Muklum Pati Komiti Tingnyang Up, gawdin ninggang ginsup hpaw lamang galaw

Laiza Muklum Pati Komiti Tingnyang Up, gawdin ninggang ginsup hpaw hpawng lamang hpe Laiza Muklum Pati Salang ni woi awn nhtawm, April shata 26 ya shana daw hkying 2:00pm aten hta Zup Awng Sim Sa gawdin pa kaw galaw la lu sai lam chye lu ai.

Hpawng hta Muklum pati komiti shingtau tingnyang up, Du Kaba Marip Yaw kaw nna, gawdin ginsup hpawng hpaw mungga hpe tsun ai hta “Anhte myusha ni mungkan hta atsam rawng ai ginsup ninghkring law law paw pru wa na matu, hkamja zet let ai chye chyang kunghpan ai, mungkan hta gumhkawng ai ginsup ninghkring kaba ni byin wa na matu, jawng dat ai ahkying aten hta wamdam hkawm ai lam nnga ai sha ganawn mazum ai lam kaw ngangkang wa lu na matu re” nga nna tsun ai.

Gawdin shingjawng lamang hpe April shata 26 ya kaw nna, May shata 15 ya shani du hkra ginsup sa wa na rai nna, ginsup ai hta Num hpung (6) hte La hpung (12) yawng hpung 18 ginsup shanglawm sa wa na re hpe chye lu ai.