Nam San Yang hpyen man hte Madi Yang hpyen man hta gasat gala majan byin

KIO ginjaw gira, Nam San Yang hpyen man hte Madi Yang hpyen man hta September shata praw 9 ya jahpawt hkying 6:30am aten daram kaw nna, gumshem Myen hpyen dap hte KIA ni gasat gala majan matut byin ai lam chye lu ai.

Lailum Awng Ja hpyen dap kaw na shamu shamawt pru wa ai, gumshem Myen hpyen n-gun 30 daram hte KIA ni dai hpawt hkying 6:30am aten hta Awng Ja mare hpaji jawng shingdu mayan kaw gasat poi byin ai.

Dai hpang shani ka-ang hkying 12:30pm aten daram hta Madi Yang hpyen man maga de mung, gasat poi byin ai lam nga ai, nga nna shawng lam na lit nga ai salang ni kaw na chye lu ai.

Gumshem Myen hpyen dap ni gaw, ya aten hta lagaw lam hku nna mung, modo hte mung, Manmaw, Myitkyina maga kaw na KIO ginjaw ginra de, hpyen n-gun matut htu nga ding yang re lam, buga masha ni shana wa ai kaw na chye lu ai.

September shata praw 8 ya shani hta mung, KIA Masat (8) Dap Ba, Masat (5) Dap Dung ginra, Dawng Gan Bum kaw Myitkyina kaw na rawt wa ai Jet Fighter nbungli 1 hte bawm wa jahkrat da nna, Namma sinat kaba dap (367) kaw nna mung, laknak kaba 6 lang Namma mare makau grup yin shara ni de, gap shadam ai lam chye lu ai.

၎

င

၎

၎