Sin Bu Myen dap hpe KIA ni gasat zing madu la

KIA Masat 8 Dap Ba, Masat (5) Dap Dung ginra, Sin Bu gumshem Myen hpyen dap hpe KIA ni zep zi zing madu la lu sai lam chye lu ai.

April shata 29 ya jahpawt hkying 8:00am aten daram hta Sin Bu gumshem Myen hpyen Hk.L.Y (141) dap hpe KIA pawng hpawm hpyen hpung ni padang dip la lu sai lam, lit nga ai salang ni kaw na chye lu ai.

Sin Bu gumshem Myen hpyen dap hpe KIA pawng hpawm hpyen hpung ni lai wa sai February shata kaw na numdaw hte numdaw htim gasat wa ai hta dai ni April shata 29 ya shani zep zi padang dip la lu sai lam chye lu ai.

Gasat gala majan byin ai ten gumshem Myen hpyen dap nbungli bawm, laknak kaba ni hte hkrup mara gap shadam bun ai majaw, mungshawa ni a nta ni hten za hkrum ai hte mare masha nkau hkala hkrum ai lam ni nga ai hpe mung chye lu ai.