Sin Bu Myen dap hpe KIA ni numdaw kalang bai htim gasat nga

KIA Masat 8 Dap Ba, Masat (5) Dap Dung ginra, Mungnyang Ginwang, Sin Bu gumshem Myen hpyen dap hpe KIA ni numdaw kalang bai htim gasat nga ai lam chye lu ai.

April shata 26 ya jahpawt hkying 6:00am aten daram kaw na, Sin Bu gumshem Myen hpyen Hk.L.Y (141) dap hpe KIA pawng hpawm hpyen hpung ni numdaw kalang bai laja lana htim gasat nga ai lam, lit nga ai salang ni kaw na chye lu ai.

Gasat gala majan byin nga ai ten gumshem Myen hpyen dap nbungli bawm, laknak kaba ni hte hkrup mara gap sharu bun nga ai majaw, mungshawa ni a dum nta ni hten za hkrum ai hte mare masha nkau hkala hkrum ai lam ni nga ai hpe chye lu ai.

Sin Bu gumshem Myen hpyen dap hpe KIA pawng hpawm hpyen hpung ni lai wa sai February shata 10 ya shani htim gasat hpang wa ai hta April shata 26 ya shani numdaw kalang bai htim gasat ai gaw, ya aten du hkra lahkawng maga hpyen masa naw shaja hkat nga ding yang re lam chye lu ai.