(11) lang na Institude of Education (MIED) sara tai jawng yu hpawng galaw
Wunpawng Mungdan Shanglawt Asuya, Ginjaw Hpaji Dap kawn, hpaw sharin nga ai (11) lang na Institude of Education (MIED) sara tai jawng yu hpawng hpe April shata 28 ya shani, Mai Ja Yang Muklum kaw galaw la lu sai lam chye lu ai.
Hpawng lamang hta MIED Jawng Up, Saranum Kaba Lasang Htu Hkawng kaw nna, jawng yu sai jawngma ni hpe jan mau shagrau ya ai lam, tinang sharin la ai hpaji ni hpe manu shadan nna atsam rawng ai, shakut shaja ai, kam ging ai sara ni tai sa wa mu nga nna, shatsam mungga jaw ai lam galaw ai re.
Jawng yu sai jawngma yawng marai (249) rai nna, Diploma in Education program, Diploma in TESOL program hte Diploma in TCL program ni hpe (3) ning tup madang tsaw ai madang du hkra sharin hkamla let, jan mau shagrau hkamla sai re hpe chye lu ai.
Jawng yu poi hta Magam Dap, Makan Dap hkan na saw shaga da ai myitsu kanu kawa du salang ni, jawngma kanu kawa ni sa du shang lawm ai hte galaw la lu sai lam chye lu ai.
