Digital and Judicial Tools Training yu hpawng galaw
Wunpawng Mungdan Shanglawt Asuya, Ginjaw Tara Masa Magam Dap kaw nna hpaw sharin ai, Digital and Judicial Tools Training yu hpawng hpe May shata praw 2 ya shani, Mung Seng Yang kaw galaw la lu sai lam chye lu ai.
Hpawng hta Salang Kaba Shadau Awng Mai kaw nna wunkat yu sai jawngma ni hpe shatsam mungga jaw ai hta “Anhte sharin hkamla da ngut sai hpaji ni hpe tinang magam gun hpai na rung bungli ni hta grau nna madang tsaw jat wa hkra, woi awn sa wa marit” nga nna tsun ai.
Wunkat yu sai jawngma ni yawng marai (15) rai nna, shawng nnan lang hpaw ai wunkat re hte shaning shagu wunkat hpe hpaw sa wa na re lam chye lu ai.
Hpawng hta Magam Dap, Makan Dap hkan na saw shaga da ai myit su du salang ni, magam gun ni yawng marai 100 daram shanglawm ai hte galaw la lu sai lam chye lu ai.
