Hpakant lung seng maw kaw, ga shingbut gyi nna lung seng htu ai masha marai (30) jan mat taw
Hpankant lung seng maw hta August shata 13 ya shana daw hkying 3:30pm aten daram hta ga shingbut gyi wa nna, lung seng htu nga ai mungmasha marai 30 jan ga shingbut gyi ai kaw lawm mat ai lam chye lu ai.
Dai shara gaw Mana mare makau ေကျာက်စိမ်းေတာင် company ni kabai da ai ga shingbut shara rai nna, a kajawng sha gyi ru wa ai majaw, lata hte lung seng htu nga ai hkawngma ni lawm mat wa ai re lam, ginra masha ni tsun ai kaw na chye lu ai.
Ga gyi lawm mat wa ai masha marai gade re hpe tup hkrak nchye shi ai raitim, Hpakant tsi rung de du ai masha gaw marai 7 rai nna, mat taw ai masha ni marai 36 naw re hte dai hta masha jahpan naw jat wa na masa nga ai lam chye lu ai.
Ndai August shara praw 5 ya shani hta mung, Maw Si Zar mare makau kaw ga shingbut gyi wa nna, mungmasha hpawmi num langai asak sisum mat ai lam mung byin lai sai re. Hpakant ginra hta ya na zawn ga shingbut gyi nna, mungmasha law law asak si sum mat ai lam jahkring hkring byin nga ai hpe mung chye lu ai.
