(45) ning hpring Wunpawng Mungdan Shanglawt Amyu Shayi Masat Ninghtoi hpawng galaw
(45) ning hpring (46) lang na Wunpawng Mungdan Shanglawt Amyu Shayi Masat Ninghtoi hpawng hpe, August shata 19 ya jahpawt hkying 8:00am aten hta Laiza Muklum lawk (2), Wunpawng Mungdan Shanglawt Amyu Shayi Hpung Ginjaw Komiti Rung, Hpung Sin Gawknu kaw galaw la lu sai re.
“Anhte Amyu Shayi ni gaw rawt malan magam bungli jut shara mi hta hpadi hpadaw tai lu ai, Amyu Shayi ni hpe zinlum lu ai majaw chyeju shakawn ai re” nga nna Wunpawng Mundan Shanglawt Amyu Shayi Hpung, Ningbaw Malai (II) Hpawmi Nhkum Hkawn Ra tsun ai.
Wunpawng Mungdan Shanglawt Amyu Shayi Masat Ninghtoi hpawng hpe lai wa sai shaning hta wu wu di di rai hpawng lamang galaw ai raitim, dai ning gaw mungmasa amyu myu a majaw, kadun dawk kyu hpyi hpawng sha galaw ai lam, Hpawmi Nhkum Hkawn Ra matut tsun ai.
Hpawng lamang hta Amyu Shayi Komiti ni, Amyu Shayi Komiti magam gun ni hte Laiza Muklum Amyu Shayi Komiti ni yawng marai (70) daram sa du shanglawm ai lam chye lu ai.
Amyu Shayi Masat Ninghtoi hpawng hpe Laiza Muklum, Wunpawng Mungdan Shanglawt Amyu Shayi Hpung Ginjaw Komiti Rung hta galaw ai sha n-ga Ginjaw Ginra hte Ginwang Ginjaw shagu hta mung galaw ai lam nga ai.
Wunpawng Mungdan Shanglawt Amyu Shayi Masat Ninghtoi hpe lai wa sai 1978 ning August shata 19 ya shani, Pajau Shalawt Yang kaw hpawng hpang wa ai rai nna, dai ning 2023 hta gaw (45) ning hpring sai re hpe mung chye lu ai.
၎
င
၎
၎
