Yu ngwi ninghkring kaba Lahtaw Zau Lum Madu Yesu hta yup pyaw mat
Jinghpaw Wunpawng yu ngwi ninghkring kaba Lahtaw Zau Lum Madu Yesu hta yup pyaw mat wa sai lam chye lu ai.
April shata praw 9 ya shana daw hkying 4:00pm aten daram hta Jinghpaw Wunpawng yu ngwi ninghkring kaba Lahtaw Zau Lum (Jat San Htun) Madu Yesu hta yup pyaw mat wa sai re.
Lahtaw Zau Lum gaw laiwa sai bat kaw na machyi makaw hkrum ai a majaw, Miwa gumsan mungdan de tsi tsi hkamla nga ai aten, myit mada shara nnga mat sai a majaw, tinang kanu mungdan de bai nhtang wa ai hta Laiza Muklum kaw nnga mat wa sai re lam chye lu ai.
Lahtaw Zau Lum gaw, gumshem Myen hpyen dap ni Myen mungdan a daru magam ahkang aya zing madu kau ai hpang, Wunpawng Mungdan Shanglawt Asuya, Balik Makan Dap hta ap nawng magam gun hpai nga ai aten, madu yesu hta yup pyaw mat wa sai re hpe chye lu ai.
