Majan hta magrau grang grang majan gasat ai amyu shayi hpe shagrau
Gwihka gumshem Myen hpyen dap hpe htim gasat ai majan hta magrau grang grang hte padang dip ai shani du hkra, gasat shang lawm ai amyu shani hpe U-ru Ginwang Ginjaw Komiti kaw na shagrau sha-a ai lam galaw ai hpe chye lu ai.
Gwihka gumshem Myen hpyen dap hpe htim gasat ai hta magrau grang grang hte padang dip ai shani du hkra shang lawm gasat ai, Jan. Jangmaw Hkawn Shawng (or) Ma Su hpe January shata 22 ya shani shagrau sha-a ai lam galaw ai hpe chye lu ai.
“Gumshem Myen hpyen dap ni Mungdan ahkang aya zing madu ai hpang, hpyen gumshem lai len hte up sha ai hpe nra sharawng ai majaw, kashu kasha ni a shawnglam a matu, mungdan a matu rawt malan hkrunlam hta shang lawm ai re lam” Jan. Hkawn Shawng tsun ai.
Jan. Jangmaw Hkawn Shawng gaw, ma marai (5) na kanu rai nna, Magam Dap de garai nshang ai ten mare buga kaw rep chywi bungli galaw let, kan bau magam bungli galaw nga ai re lam chye lu ai.
Ndai hpawng hta Dai Lawn Rung kaw nna, hpyen ma atsang kaw na Dap Daw up, Gyi Jum atsang sharawt shagrau ai lam hte Ja kachyi kumhpa, gumhpraw kumhpa hte kaga arung arai kumhpa ni shagrau sha-a ai re lam chye lu ai.
