KSCU Dakkasu jawng yu hpawng galaw
KSCU Dakkasu jawngma ni a jawng yu jan mau shagrau hpawng hpe galaw ai lam chye lu ai.
February shata 22 ya jahpawt hkying 9:00am aten hta KSCU (Kachin State Comprehensive University) Dakkasu jawngma ni a jawng yu jan mau shagrau hpawng lamang hpe Laiza Muklum kaw galaw la lu sai re.
Dai ni na jawng yu hpawng gaw numdaw masum lang na jan mau shagrau hpawng rai nna, jan mau hkamla sai jawngma yawng marai (119) re ai lam chye lu ai.
Ndai jawng hta sharin ginhpan hku nna, School of Medical Science, School of Nursing Science, School of Technology, School of Economics, School of Agriculture and School of Arts and Sciences ni hpe sharin ya nga ai lam chye lu ai.
Dai ni na hpawng lamang hta magam gun sara/num ni, jawngma kanu kawa ni, Magam Dap Makan Dap hkan na saw shaga da ai myit su salang ni sa du shang lawm ai hte galaw la lu sai lam chye lu ai.
