Myitkyina Muklum kata jak sau hte hkawm ai modo, cycle ni hpe laja lana rim ahkyak la nga

Myitkyina Muklum kata jak sau hte hkawm ai modo, cycle ni hpe gumshem Myen hpyen balik dap ni laja lana rim ahkyak la nga ai lam chye lu ai.

April shata praw 1 ya shani kaw nna, Myitkyina Muklum kata jak sau sharam shangun ai ga baw hte gumshem Myen hpyen balik dap ni jak sau hte hkawm ai modo, cycle ni hpe laja lana rim ahkrak la nga ai lam, ginra mungshawa ni tsun ai.

Laiwa sai shata kawn, jak sau hte hkawm ai modo, cycle ni hpe bat hpang (3) ya shani nhkawm lu na lam, battery cycle hte sha hkawm lu na lam tsun da ai raitim, laja lana rim ai lam nnga ai, April shata praw kawn gaw laja lana rim ahkak la nga ai hta rim hkrum ai modo, cycle ni hpe gumhpraw shawa sha ai sha n-ga modo, cycle ni hpe mung bai jaw ai lam nnga ai nga nna, ginra masha ni matut tsun ai kaw na chye lu ai.

Myitkyina Muklum kata hta lagu lagut damya mya gumhpraw kashun ai lam ni mung, jahkring hkring byin nga ai sha n-ga, ya na zawn modo, cycle ni hpe laja lana bai rim ahkyak la ai lam ni galaw nga ai majaw, mungshawa ni hkawmsa hkawmwa, jawngma ni jawng sa jawng wa, machyi makaw hkrum ai ni, jak sau modo, cycle hte kan bau magam bungli galaw nga ai mungshawa ni hkawmsa hkawmwa ai lam hta lani hte lani grau grau yakhkak wa nga ai hpe chye lu ai.