Tsang (10) sharin ladat dingsa hte tsang (12) awng da sai ramma ni a dakkasu shachyen lamang galaw sa wa na
Manmaw Ginwang KBC Ramma Magam Dap kaw nna woi awn let, laiwa sai aten tsang (10) sharin ladat dingsa hte tsang (12) awng da sai ramma ni a dakkasu shachyen lamang hpe Mai Ja Yang Muklum kaw galaw sa wa re ai lam chye lu ai.
May shata 18 ya shani manam zup nna, (19, 21) ya shani du hkra galaw sa wa na rai nna, laiwa sai aten tsang (10) sharin ladat dingsa hte tsang (12) awng da lu sai ramma ni kadai raitim, sa du sharin hka ja la mai ai lam, Manmaw Ginwang Ramma Magam Dap kaw na chye lu ai.
Tsang (10) sharin ladat dingsa hte tsang (12) awng da lu sai ramma ni, dakkasu hpaji bai matut sa wa ai aten, hpaji lam makam masham lam hta myit yak dut dang ai lam nnga na matu hte hpaji lam hte seng ai ningmu ni grau nna lu wa na matu yaw shada let galaw sa wa na re lam chye lu ai.
Sa du sharin na ramma ni gaw, ra mara kaw jai lang na hte lu sha manu Miwa Yuan (150) bang ra na hte dakkasu bai matut lung na ramma ni kadai raitim, sa du sharin hka ja la mai ai lam chye lu ai.
