ILAS jawng hta jawngma ningnan hkap la nga

Mai Ja Yang Muklum kaw hpaw tawn da ai, Institute of Liberal Art and Science (ILAS) jawng a 2026-2027 hpaji ladaw a matu, jawngma ningnan hpe bai hkap la nga sai lam chye lu ai.

2026-2027 hpaji ladaw, Intensive English program hte Diploma in English program a matu, jawngma ni hpe May shata (31) ya shani du hkra hkap la sa wa na rai nna, June shata praw (4, 5) ya shani hta gaw jawng shang san/htai lamang hpe galaw sa wa na re lam, jawng komiti ni kaw na chye lu ai.

Jawng sa lung na jawngma ni gaw, Intensive English program a matu jawng lung shabrai Miwa yuan (4500) rai nna, Diploma in English program a matu, Miwa yuan (5000) jaw bang ra na re lam chye lu ai.

Jawng a sawk shawn form hpe ILas jawng a Facebook page kaw nna mai shaw la ai rai nna, ILAS jawng hte hkri dun da ai rung ni hkan mung sa mai la ai lam chye lu ai.