Nbungli bawm a majaw, mungshawa asak si sum

Shwegu ginra hta gumshem Myen hpyen dap ni nbungli hte wa gap gasat ai majaw, mungshawa asak si sum ai lam chye lu ai.

June shata praw 4 ya jahpawt hkying 8:00am aten daram hta Shwegu ginra, Si Tar mare kaw gumshem Myen hpyen dap ni, Jet nbungli hte bawm 4 lang wa jahkrat gap gasat ai majaw, mungshawa marai 3 asak si sum mat nna, dum nta ni mung hten za mat ai lam, lit nga ai salang ni tsun ai.

Ya bawm wa jahkrat ai shara hta gaw gasat gala majan byin ai lam nnga ai, mungshawa ni hkrai nga ai shara kaw nbungli hte wa gap gasat ai majaw, mungshawa asak si sum ai hte dum nta ni mung hten za hkrum mat ai re lam chye lu ai.