Shwegu ginra gasat gala majan matut byin nga
KIA Masat (11) Dap Ba, Masat (12) Dap Dung Shwegu ginra hta gasat gala majan matut byin nga ai lam chye lu ai.
June shata 30 ya jahpawt hkying 4:40am aten daram kaw nna, Shwegu ginra ကိုင္း ရြာ mare kaw KIA pawng hpawm hpyen hpung ni hte gumshem Myen hpyen dap ni gasat gala majan byin ai lam, shawnglam lit nga ai salang langai tsun ai.
Gumshem Myen hpyen dap Hk.L.Y (56), Hk.M.Y (602) hte Tatma (88) kata na Hk.M.Y (378, 416) pawng hpawm hpyen hpung ni, ကိုင္း ရြာ mare de htu shadut htim gasat wa ai majaw, KIA pawng hpawm hpyen hpung ni hte gasat gala majan laja lana byin wa ai re lam chye lu ai.
Ndai zawn gasat gala majan byin wa ai hta ကိုင္း ရြာ mare hpe shani ka-ang aten daram hta KIA pawng hpawm hpyen hpung ni gasat zing madu la lu sai hte laknak arung arai ni hpe mung padang dip la lu ai re lam chye lu ai.
Ya aten Shwegu ginra hta gaw shani shagu ngu na gasat gala majan byin nga ai rai nna, lahkawng maga na hpyen masa mung, shaja hkat nga ding yang re ai hpe chye lu ai.
