Hpakant ginra mungshawa ni hka hpyen hkrum nga

Hpakant ginra kata nga ai mungshawa ni hka hpyen hkrum nga ai lam chye lu ai.

Hpakant ginra ndai laman marang htu sawng nna, Uru hka tung kaba wa ai majaw, Hpakant ginra kata nga ai mungshawa ni hka hpyen hkrum nga ai hta lam amyu myu hku nna yakhkak hkrum nga ai lam, ginra masha ni tsun ai.

Hka tung kaba wa ai majaw, dum nta nkau ni hka lim yawng lawm mat ai lam byin nga ai hte hkawmsa hkawmwa, malu masha lu hka tsi mawan, nga shara ni ra ahkyak nga ai lam chye lu ai.

Ya na zawn hka tung kaba wa ai lam gaw, hka hkawng htu shaw jasan ai lam n galaw ai sha n-ga, maza mala ni hpe hkrup mara kabai ai lam ni a majaw, byin wa ai re lam chye lu ai.

Hpakant ginra hta gaw, ya na zawn hka tung kaba wa ai lam ni, ga shing but gyi nna mungshawa si hkala hkrum ai lam ni jahkring hkring ngu na byin nga ai re lam matut chye lu ai.