KBC Ningbaw Rev.Dr. Hkalam Samson hpe Myen Hpyen Dap kawn tara amu hpaw ai hpe dawm shaprai kau

KBC Ningbaw Rev.Dr.Hkalam Samson hpe Myen mung Dingdung daw Myen Hpyen Dap ( M.P.Hk ) na ဒုတိယဗိုလ္မွဴးၾကီး သန္းထိုက္ kawn Myitkyina tara rung de amu shawk shawn da ai lam hpe September shata 9 ya shani hta dawm shapai kau sai lam chye lu ai.

ဒုတိယဗိုလ္မွဴးၾကီး သန္းထိုက္ gaw KBC Ningbaw Hkalam Samson hpe tara upadi hte maren ahkyak la ya na matu, Myitkyina tara rung kaw August shata 26 ya shani hta amu hpaw da ai rai nna, September 9 ya shani hta ဒုတိယဗိုလ္မွဴးၾကီး သန္းထိုက္ shi shawk shawn da ai amu hpe dawm kau ya na matu tsun wa ai majaw tara rung kaw nna, tara shang dawm jahkring kau ya sai lam chye lu ai.

2019 ning July shata 17 ya shani hta KBC ningbaw Rev.Dr.Hkalam Samson gaw American Gumsan Magam Donald J. Trump hte hkrum shaga ai hta Myen hpyen dap gaw bawsang mungchying shawa hpe roi rip ai lam, makam masham hpe hkum pat ai lam, laknak lang amyu bawsang rawt malan ni mung Myen hpyen asuya dap hpe ninghkap gasat nga ai re. American Asuya kaw nna Myen Mung na rawt malan amyu bawsang ni a matu Democracy hte Federal masa lam yan hta garum ya na hte Myen hpyen dap ningbaw ni hpe santion galaw ai lam gaw grai tang du ai hte chyeju dum ai lam tang madun lai wa sai re.

Ya na zawn tang madun ai hpe Myen Hpyen Dap gaw nra sharawng ai majaw M.P.Hk na ဒုတိယဗိုလ္မွဴးၾကီး သန္းထိုက္ kawn Myitkyina tara rung de amu shawk shawn da ai rai nga ai.