Hka yawng lim si mat ai jawngma a moi mang hpe bai mu tam la
Nawng E Hku sasana jawng na, hka yawng lim si mat ai jawngma a hkum tsawp moi mang hpe bai mu tam la lu sai re lam chye lu ai.
August shata 13 ya shana de Nawng E Hku sasana jawng kaw na jawngma marai (7), Mung Lai hka de hka sa shin ai kaw yawng lim si mat ai, Shadang. Jangma Mung San Awng asak (18) ning a hkum tsawp moi mang hpe bai mu tam la lu sai re lam, lit nga ai salang ni tsun ai.
Shadang. Jangma Mung San Awng a hkum tsawm moi mang hpe seng ang ai salang ni hte myitsu kanu kawa ramma ni, ya hte tup tam nga ding yang re ai kaw mali ya na ai hpang, August shata 16 ya shani Laiza lawk (6), Mung Lai hka hkrai noi lahta kaw bai mu tam la sai re lam chye lu ai.
Ndai jawngma gaw Mai Ja Yang Muklum lawk (4) kaw nga nna, ya aten Nawng E Hku sasana boader kaw nga let, jawng lung laika hpaji sharin nga ai aten, Mung Lai hka de hka sa shin ai kaw hka yawng lim si mat ai re lam chye lu ai.
