KIA Dap Dung 8 ginra de Myen Hpyen Dap ni, n gun 400 daram shamu shamawt shang wa
Myen Hpyen Dap, Dapnu 88 kata na hpyen n gun 400 daram gaw, Mungmyit Sinli Ga (Kachin Sub-state) Dingda Ginwang Ginjaw, KIA Dap Ba 4 Dap Dung 8 ginra hta shamu shamawt du nga ai lam chye lu ai.
“October 25 ya shani kaw nna dai ni October 29 ya laman, Galeng Ginwang Daw, Bang Jam, Man Ai hte Bang Law mare ni de, Dapnu (Tat Ma) 88 na hpyen n gun 400 daram bai shamu shamawt du nga ai majaw majan bai byin wa na hpe tsang ai” nga nna shawng lam na Salang langai tsun dan ai.
Ndai October shata 24, bat mali ya shani hta mung KIA Dap Dung 8 ginra de Myen Hpyen Dap, Dapnu (Tat Ma) 88 kata na hpyen hpung ni shamu shamawt shang wa ai majaw Nam Yi Hka mayan kaw KIA ni hte gasat gala majan byin ai re.
