Myen hpyen pawng hpawm hpung ni hpe KIA ni drone hte gap gasat

Hpakant ginra kata shara la nga ai gumshem Myen hpeyn dap hte Wa Ra Zup P.T.Ts pawng hpawm hpyen hpung ni hpe KIA pawng hpawm hpyen hpung ni drone hte gap gasat ai kaw si hkala law ai lam chye lu ai.

April shata 23 ya jahpawt hkying 9:00am aten daram hta Hpakant Lawnghkang mungshawa tsi rung kaw shara la nga ai, gumshem Myen hpyen dap hte Wa Ra Zup P.T.Ts pawng hpawm hpyen hpung ni hpe KIA pawng hpawm hpyen hpung ni drone hte gap gasat ai kaw gumshem Myen hpyen dap pawng hpawm hpyen hpung ni si hkala law ai lam, lit nga ai salang langai tsun ai.

Matut nna Mashi Kahtawng akyu hpyi bum kaw shara la nga ai gumshem Myen hpyen dap ni hpe mung, KIA pawng hpawm hpyen hpung ni drone hte gap gasat ai kaw si hkala law ai re lam, salang wa matut tsun ai.

Ya aten Hpakant ginra kata gumshem Myen hpyen dap hte P.T.Ts pawng hpawm hpyen hpung ni hpyen n-gun jat bang nga ding yang rai nna, gasat gala majan mung shani shagu ngu na byin nga ai re lam chye lu ai.