TNLA, MNDAA ni hte Myen hpyen hpung ni shara 2 kaw gasat gala majan byin
Mungmyit Sinli Ga (Kachin Sub-state) KIA Dap Ba 10 Dap Dung 2 ginra hta November shata praw 4 ya shani, Ta-ang (Balawng) TNLA, Kokang MNDAA hpyen hpung ni hte Myen hpyen hpung ni shara 2 kaw gasat gala majan byin ai lam na chye lu ai.
Pyin Lung maga na shamu shamawt rawt wa ai, Myen Hpyen Dap, Dapnu (Tatma) 99 kata na hpyen n gun 80 daram hte Ta-ang (Balawng) TNLA hpyen hpung ni November shata praw 4 ya shani hkying 11:18am aten kawn hkying 11:30am aten laman hta Pyin Lung Hka Lum ntsa kaw gasat gala majan byin ai.
Dai Myen hpyen hpung ni hte sha, Nam Sa mare ntsa Lagat Hpun Tu Kawng kaw Kokang MNDAA hpyen hpung ni hte numdaw kalang bai gap hkat ai re lam, shawng lam shi sawk ni shana wa ai.
November shata praw 3, laban shani hta mung, KIA Dap Ba 6, Dap Nawng Dap Dung 38 ginra, Munggu Puwang mare nawku jawng kawng kaw Myen Hpyen Dap, Dapnu (Tatma) 99 kata na hpyen hpung hte Kokang MNDAA hpyen hpung ni gasat gala majan byin ai lam chye lu ai.
