Myen hpyen hpung ni Mungshawa ni a Mam dang ( 400 ) wan nat kau ya

Sinpraw Ginwang Ginjaw, KIA Dap Ba ( 3 ), Dap Dung ( 12 ) ginra hta shamu shamawt nga ai Hk.L.Y ( 13 ) hte Hk.M.Y ( 437 ) Dap na pawng hpawm Myen hpyen hpung ni February 23 ya shani Bang Htan mare kaw KIA hpyen hpung hte gasat gala majan byin ai majaw, dai

mare na mungmasha htinggaw matsat gaw shanhte a Yi, yinwa de sa hprawng yen taw ai lam na chye lu ai.

February 25 ya shani dai mungmasha ni nga ai Yi, yinwa de Hk.L.Y ( 13 ), Hk.M.Y ( 437 ) Dap na Myen hpyen hpung ni sa nna shani ka ang hkying 12:15pm aten hta wan nat kau ya ai lam buga masha ni tsun ai kawn chye lu ai.

Yinwa wan nat hkrum ai hta Salang Nhkum Tu Ja a Mam dang ( 50 ), Slg. Zahkung Nan Shawng a Mam dang ( 40 ), Slg. Nhkum Awng Lat a Mam dang ( 40 ), Slg. Waje La Ja a Mam dang ( 50 ), Slg. Labya Gam Awng a Mam dang ( 50 ), Slg. Labang Hkang a Mam dang ( 60 ), Slg. Zahkung La Ja a Mam dang ( 70 ), yawng dang ( 400 ) hte Mam htu jak laga arung arai ni mung hkru lawm mat ai lam na chye lu ai.