KIA Dap Dung ( 14 ) shawnglam post langai hpe Myen hpyen hpung ni wa htim gap

KIA Dap Ba ( 2 ), Dap Dung ( 14 ) shawnglam hpyen hpung ni a Mai Sak Post hpe, June praw 3 ya jahpawt hkying 3:00am aten hta Myen hpyen dap Hk.L.Y ( 126 ) na hpyen hpung

ni laknak kaba wa gap bun ai kawn laja lana gasat majan byin ai lam na chye lu ai.

Jahpawt hkying 5:30am aten hta gaw, Mai Sak Post hpe yen kau da sai lam, Myen hpyen dap ni kawn Lagang Pa maga na laknak kaba ni hte gap bun nga ai lam, shawnglawm hpyen shisawk ni kawn chye lu ai.

Shana hkying 7:00pm hte hkying 8:00pm aten hta mung, KIA ni yen kau da ai Mai Sak Post mayan hta laja lana matut gap hkat ai lam na chye lu ai.

Daini June praw 4 ya shani hta mung, hkying 11:30am aten kaw na Mai Sak post mayan hta matut manoi majan byin nga ai lam, shawnglam hpyen shisawk ni kawn chye lu ai.