Mungshawa ni galaw lu galaw sha ai shara de bawm hkam kau ya ai majaw, yak hkak hkrum nga
Danai Lido lam makau Jahtu Zup kaw shara jahkrat nga ai Pyi Tu Tsit hpung ni gaw, mungshawa masha ni galaw lu galaw sha nga ai shara de bawm hkam kau ya ai majaw, yak hkak hkrum nga ai lam, Jahtu Zup buga masha ni kaw na chye lu ai.
“Dai ning sha du shang wa ai hpyen yen htinggaw 200 daram hpe hkauna garan ya na matu, hkauna htu shawt da sai raitim, ndai zawn P.T.Tsi ni tsep kawp nsa shangun mat ai majaw jahkring da ra ai, galaw lu galaw sha ai mungmasha ni a matu dingbai dingna grai byin mat ai” nga nna dai ginra na salang langai tsun ai.
Lai wa sai aten hkan gaw ndai zawn galaw lu gasha ai shara de bawm hkam kau ya ai zawn re ni gaw nnga ga ai lam, salang tsun ai.
June shata praw 1 ya shani kaw nna, Ja Maw de shang wa ai lam hte San Pya maga de hkawmsa hkawm wa ni hpe tsep kawp, pat hkum kau ai lam nga ai, bawm hkam da ai nre shara de, yi sun hkauna sa na rai yang P.T.Ts ni kaw na lakmat hte hkawm sa ra ai lam, ginra masha ni tsun ai kaw na chye lu ai.
