KSCU Jawng, Dakkasu shang ahkang san poi htai na matu laika ni hpe hpaw sharin sa wa na
KSCU (Kachin State Comprehensive University) Dakkasu jawng kaw nna hpaw sharin nga ai 2023-2024 ning hpaji ladaw hta Tsi hpaji, Nursing, Arts hte Sciences ginhpan ni hpe sharin nga sai rai nna, ginhpan nnan rai nga ai Technology hte Economics ginhpan ni hpe mung sharin hkam la mai sai lam chye lu ai.
Jawng shang ahkang san poi htai entrant na matu sharin hkamla na jawngma ni gaw, sharin manu jahpu n hkrat ai sha sharin hkamla mai ai hte sharin ladaw hpe gaw, July shata praw 1 kaw nna 21 ya shani du hkra sharin sa wa na hte Laiza Muklum Lawk (5) Shawnglam Mungmasa Jasat Hpung (SMJH) rung hta sharin sa wa na re lam chye lu ai.
Sharin sa wa na ginhpan ni gaw, English, Mathematics, Physics hte Critical Reasoning ginhpan ni rai nna, jawng shang ahkang san poi entrant htai ai hpe gaw, July shata 24 ya hte 25 ya lahkawng ya htai sa wa na re.
Jawng lung na jawng ma ni gaw, Laiza Muklum hte ninawn ai shara hkan na jawngma ni sa lung mai ai rai nna, tsan ai shara na sa lung ai jawngma ni gaw, nga shara hte malu masha ni hpe tinang nan laksan lajang la ra ai lam chye lu ai.
Shawk shawn Form hpe n shawk shawn ai raitim mai sa lung ai rai nna, KSCU jawng shang ahkang san poi htai mayu ai jawngma ni mung sa mai sharin hkamla ai lam lit nga ai KSCU jawng magam gun ni shana wa ai kaw na chye lu ai.
၎
င
၎
၎
