Langse kaw ja nhkun gyi ai majaw, mungshawa gyi kaput lawm
Langse kaw ja nhkun gyi ai majaw, mungshawa marai 26 ram gyi kaput lawm mat ai lam chye lu ai.
May shata praw 2 ya shana, Langse mare na Miwa ni a ja nhkun langai gyi ru wa ai majaw, dai kaw bungli galaw nga ai mungshawa marai 26 ram gyi kaput lawm mat ai re lam, mungshawa ni kaw na chye lu ai.
Ja nhkun kaw gyi lawm mat ai mungshawa ni hpe ya du hkra tam nmu ai rai nna, seng ang ai ni hku nna mung matut tam nga ding yang re ai lam chye lu ai.
Ndai zawn ga sharut gyi ai lam gaw, marang htu sawng ai majaw byin wa ai hte ja maw, lung seng maw ginra ni hta law malawng byin ai rai nna, mungshawa asak si sum ai lam ni mung jahkring hkring ngu na byin nga ai re lam chye lu ai.
