Woi Chyai hpyen yen dabang a buga wa hte wunli sharawt akyu hpyi hpawng galaw
Laiza Woi Chyai hpyen yen hkalup nawku hpung a mare buga wa hte wunli sharawt chyeju shakawn akyu hpyi hpawng lamang hpe Woi Chyai hpyen yen dabang hta April shata 25 ya jahpawt hkying 10:00am aten hta galaw la lu sai lam chye lu ai.
Hpawng lamang galaw ai hte seng nna, Rev. Sumlut Awng Maw tsun ai hta
“Hpyen yen aten ladaw shaning 15 ning du wa ai aten kaw anhte tawn kau da ai mare buga aten grai na sai, hten mat za mat ai lam rai sai, ya na zawn sat lawat hta hkan nna buga hpe bai wa gaw gap ga ngu ai hta mungshawa yawng myit hkrum, nawku hpung hpe woi awn nga ai komiti ni mung jawm myit yu, shaning 15 ning lai di mat wa sai lam ni hpe mung bai myit yu, Karai Kasang anhte hpe makawp maga nna bau rem ai hpe mung myit dum rai nna chye ju shakawn ai lam re” nga nna tsun ai.
Woi Chyai hpyen yen dabang gaw laiwa sai 2011 ning June shata kaw nna, gasat gala majan byin wa ai majaw, hpyen hprawng koi yen wa ai hta hpyen yen htinggaw 1000 jan nga ai re hpe chye lu ai.
