Ginjaw Ginra makau grup yin nga gumshem Myen hpyen dap shara ni hpe KIA ni htim gasat nga

KIO, KIA Ginjaw Ginra makau grup yin hta dap jung shara jahkrat nga ai, gumshem Myen hpyen dap shara ni hpe KIA ni htim gasat nga ai lam chye lu ai.

March shata praw 7 ya jahkawt hkying 6:00am aten daram kaw na, Ginjaw Ginra grup yin hte Waimaw, Laiza lam ntsa dap jung shara jahkrat nga ai, gumshem Myen hpyen dap shara ni hpe KIA ni htim gasat nga ai lam, lit nga ai salang langai tsun ai.

KIA hte gumshem Myen hpyen dap lapran hpyen masa shaja hkat nga ding yang rai nna, gumshem Myen hpyen dap ni Ginjaw Ginra grup yin laknak kaba hkrup mara gap shadam bun nga ai re.