Gumshem Myen dap ni gap dat ai laknak kaba Nahpai mare kaw wa hkrat ai majaw dum nta hte Du Sat ni hkra hkala

Mungmyit Sinli Ga (Kachin Sub-State), Kutkai Ginwang, Namhpakka Ginwang Daw, Nahpai mare kaw September shata praw 1 ya shana hkying 6:20pm aten daram hta gumshem Myen hpyen dap ni laknak kaba gap dat ai majaw, mung mare masha ni na nta hte Du sat ni hkra hkala ai lam chye lu ai.

Namhpakka kaw dap jung nga ai gumshem Myen hpyen dap Hk.M.Y (123) dap kaw nna, laknak kaba gap shadam ai lam gaw mare kata hta hpyen ni nga ai nga nna ntsen ai majaw, gap dat ai hta Slg. Lahpai La Ring a dum nta hte Nga U Loi langai, Slg. Maran Zau Ung a nta shat gawk hte Hpm. Ja Roi a Hkai nu sun kaw wa hkrat ai lam, ginra masha ni tsun ai kaw na chye lu ai.

Ndai gumshem Myen dap ni laknak kaba gap shadam ai majaw, mare masha ni kaw hkra hkala ai lam nnga ai rai tim, mare masha n kau hkrit tsang nna, nawku jawng de sa yup mat ai lam hte nkau mi gaw mare kata de laknak kaba galoi bai gap shadam dat na hpe myit tsang ai majaw, mare kaw n gwi nga taw ai lam matut tsun ai.

Nahpai mare kata de lai wa sai shata hta mung, gumshem Myen hpyen dap ni laknak kaba gap shadam dat ai majaw mare masha ni a dum nta hte masha hkra hkala ai lam ni mung nga lai wa sai re.

၎

င

၎

၎