EEDY NEWS News and Development
KIA Masat (5) Dap Ba, Masat (18) Dap Dung ginra, Aung Ja mare makau grup-yin kaw, August shata 31 ya shani hkying 9:44 aten laman, gumshem Myen hpyen dap hte KIA ni gasat gala majan byin ai re lam chye lu ai.
Gumshem Myen hpyen dap Hk.L.Y (83,236) dap na pawng hpawm hpyen hpung ni hte KIA ni, numdaw hte numdaw gasat gala majan byin ai re lam lit nga ai salang ni kaw na chye lu ai.
Hkang Kai Bum kaw dap jung nga ai Hk.L.Y (142) dap ni, KIA Masat (19) Dap Dung ginra maga de sinak kaba gap bun nna, Bumre kaw nga ai gumshem Myen hpyen ni mung, Madi Yang maga de laknak kaba gap bun ai lam nga ai.
Ndai zawn gasat poi byin nga ai hta Myitkyina kaw na rawt lung wa ai Jet Fighter nbungli hte Madi Yang hpyen man maga de, bawm wa jahkrat bun ai lam chye lu ai.
Matut nna Myitkyina kaw na rawt wa ai Helicopter 2 mung, gumshem Myen hpyen ni dap jung nga ai, Kagam kaw lusha arung arai ni wa htaw jahkrat kau da nna, Sama lam numshe grupyin kaw Rocket 3 lang, Machine Gun ni hte wa gap kau da nhtawm, Myitkyina de bai nhtang wa mat ai lam chye lu ai.
August shata 31 shani hta sha, Mungmyit Sinli Ga (Kachin Sub-State), KIA Masat (6) Dap Ba, Masat (9) Dap Dung ginra hta mung, gumshem Myen hpyen ni nga ai (105) Mile dap ni gap dat ai laknak kaba si, Kawng Win mare Hpunggyi Jawng hte Nam Um mare kaw wa hkrat kapaw ai lam, chye lu ai.
