Tamahkan de hpyen garum du nga ai gumshem Myen hpyen hpung hte KIA ni gasat gala majan matut byin nga

Hpakant, KIA Masat (9) Dap Ba, Masat (6) Dap Dung ginra, Tamahkan de hpyen garum du nga ai gumshem Myen hpyen hpung hte KIA ni gasat gala majan matut byin nga ai lam chye lu ai.

Tamahkan gasat gala majan de hpyen garum du nga ai, gumshem Myen hpyen n-gun (80) hpung ni hte KIA pawng hpawm hpyen hpung ni March shata praw 3 ya shani kaw na gasat gala majan byin nga ai hta praw 4 jahpawt hkying 8:00am aten daram kaw na kalang bai gasat gala majan matut byin nga ai lam chye lu ai

Dai gumshem Myen hpyen hpung ni gaw, March shata praw 3 ya shani kaw nna, Tamahkan hpungkyi jawng kaw shara la du nga sai hpe KIA pawng hpawm hpyen hpung ni laja lana htim wang gasat nga ai lam chye lu ai.

Gasat gala majan byin nga yang gumshem Myen hpyen dap ni laknak kaba gap shadam bun ai hte nbungli bawm wa jahkrat bun ai lam ni matut manoi galaw nga ai hpe chye lu ai.

Tamahkan gumshem Myen hpyen dap hpe KIA ni matut manoi htim gasat nga ai rai nna, gumshem Myen hpyen dap ni Tamahkan mare mungshawa ni a dum nta ni hpe wan nat jahten ai lam ni galaw nga ai hpe chye lu ai.