Hpakant ginra gasat gala majan byin nga
Hpakant ginra hta KIA pawng hpawm hpyen hpung ni hte gumshem Myen hpyen dap ni gasat gala majan byin nga ai lam chye lu ai.
April shata praw 4 ya jahpawt hkying 5:00am atem daram kaw nna, Hpakant Lawnghkang grup yin hta KIA pawng hpawm hpyen hpung ni hte gumshem Myen hpyen dap ni gasat gala majan byin nga ai lam, lit nga ai salang ni tsun ai.
Gasat gala majan byin nga ai aten, Hpakant tatma kawng kaw na laknak kaba hkrup mara gap shadam bun ai majaw, mungshawa ni nga ai shara hkan hkrat kapaw ai hta mungshawa hkra hkala ai lam ni nga ai hpe chye lu ai.
Laknak kaba hkrup mara gap shadam bun ai majaw, mungshawa marai kade hkra hkala hkrum ai lam nchye lu ai raitim, ya aten lahkawng maga hpyen masa shaja hkat nga ding yang re ai hpe chye lu ai.
