Hkai rem jawng hta jawngma nnan hkap la nga
Wunpawng Mungdan Shanglawt Asuya, Hkai Rem Magam Dap kaw nna hpaw sharin nga ai, hkai rem jawng hta jawngma nnan bai hkap la nga sai lam chye lu ai.
Jawngma mying jahpan hpe du wa na May shata 25 ya shani kaw nna 31 ya shani du hkra hkap la sa wa na rai nna, hkai rem hpaji hpe myit lawm ai kadai raitim sa lung sharin hkamla mai ai lam, jawng komiti ni kaw na chye lu ai.
Jawng sa lung na jawngma ni gaw, hkai rem hpaji hpe myit lawm ai wa rai ra na, laika hpaji tsang 8 kaw nna dakkasu awng ai wa rai ra na, hkamja lam kaja ra na, kap bra ana nlu ai wa rai ra na, ta tut bungli a matu lagaw lata hkum ai wa rai ra na, jawng lung ladaw hpring aten lu jaw ai wa rai ra na, nanghpam lu sha njai lang ai wa rai ra na, akyang lailen kaja ra na hte boarder nga jawngma rai ra na re lam chye lu ai.
Jawng lung ladaw gaw laning mi shata shi rai nna, asak 17 ning kaw nna 35 ning lapran na rai ra na, hpung palawng yup ra nba lawm sa ra na hte jawng shang shabrai Myen gumhpraw sen 3 jaw bang ra na re lam chye lu ai.
