Shwegu ginra hta gasat gala majan matut byin nga

KIA Masat (11) Dap Ba, Masat (12) Dap Dung Shwegu ginra hta gasat gala majan matut byin nga ai lam chye lu ai.

May shata 27 ya shana daw hkying 1:00pm aten daram kaw nna, Mandalay modo lam kaba ntsa na Manalay mare grup yin kaw KIA pawng hpawm hpyen hpung ni hte gumshem Myen hpyen dap ni gasat gala majan matut byin nga ai lam, shawnglam lit nga ai salang ni tsun ai.

Gasat gala majan byin nga ai aten, gumshem Myen hpyen dap ni gaw nbungli, drone ni hte gap gasat ai sha n-ga, lagaw lam hku nna mung htu shadut htim gasat ai lam ni galaw nga ai re hpe chye lu ai.

Shwegu ginra hta May shata praw kawn, KIA pawng hpawm hpyen hpung ni hte gumshem Myen hpyen dap ni gasat gala majan byin wa ai gaw, ya aten du hkra lahkawng maga hpyen masa shaja hkat nga ding yang re ai lam chye lu ai.