KIA pawng hpawm ni hte gumshem Myen hpyen ni gasat gala majan matut laja nga

KIA Masat (11) Dap Ba, Masat (12) Dap Dung ginra, Kai Mare (ကိုင်း ‌ေကျးရွာ) de htu shadut chyinglau shang wa ai gumshem Myen hpyen ni hte KIA pawng hpawm hpyen hpung ni, June shata 18 ya shani laja lana gasat majan matut byin nga ai lam chye lu ai.

Gasat gala majan hta gumshem Myen hpyen dap a, hpyen lang arung arai nkau hpe KIA pawng hpawm hpyen hpung ni padang dip zing la lu ai rai nna, gumshem Myen hpyen hpung ni gaw, Ngabat Gyi mare maga de bai nhtang mat sai lam, shawng lam na lit nga ai salang ni kaw na chye lu ai.

Ya aten gasat gala majan laja nga ai, KIA Masat (11) Dap Ba ginra, Shwegu Ginwang kata na mungshawa nkau gaw, tinang shim lum dum ai shara de koi yen nga ai rai nna, mungshawa law malawng gaw hpyen wa a kata kaw naw chyat rawng nga ai lam, ginra masha ni kaw na chye lu ai.

Hpyen koi yen nga ai mungshawa ni hta n-gu, jum, sau malu masha tsi mawan hte nga shara ni yak hkyak nga ai lam, ginra shiga lawk kaw na chye lu ai.