Vocational ta hpaji jawng kaw jawngma nnan hkap la nga
Mai Ja Yang Muklum kaw hpaw sharin nga ai, Vocational ta hpaji jawng kaw 2026-2027 hpaji ladaw a matu, jawngma nnan ni hpe hkap la nga ai lam chye lu ai.
June shata 22 ya shani kaw nna 27 ya shani laman du hkra, Vocational Training Center ta hpaji jawng kaw jawng lung hpaji sharin mayu ai jawngma ni, shawk shawn form hpe jawng rung kaw sa la nna naw shawk shawn wa mai ai lam, jawng komiti ni kaw na chye lu ai.
Jawng lung shawk shawn na jawngma ni gaw yawm dik, tsang (10) sharin ladat dingsa hte tsang (12) sharin ladat nnan awng ai ni rai ra na hte shawk shawn wa ai jawngma ni hta Entrancs hte Interview htai awng ai marai (30) hpe sha hkap la sa wa na re lam chye lu ai.
Vocaltional ta hpaji jawng hta sharin ginhpan hku nna, Civil Technology Course, Electrical and Electronics Technology Course, Automotice and Machining Technology Course, English, Mathematics, Physics, Chemistry, Computer, Engineering Drawing ni hpe sharin ya nga ai re lam chye lu ai.
Civil Technology Course hpe shata (18), Electrical and Electronics Technology Course hpe shata (18), Automotice and Machining Technology Course hpe shata (18) lung ra na rai nna, madu ra ai ginhpan hpe lata la nna sharin hka ja mai ai lam chye lu ai.
Jawng lung ladaw hpe level (1) shata (6), lever (2) shata (6), Level (3) shata (6) lung ra ai rai nna, level (1) na jawng shang gumhpraw hpe gaw Tuitoin, Practical, Uniform, Sport, Text book manu Miwa Yuan 3000 jaw bang ra ai re lam chye lu ai.
