Gumshem Myen hpyen dap ni hte KIA pawng hpawm hpyen hpung ni gasat gala majan matut byin

KIO ginjaw makau Na Hpaw Bum mayan kaw dap jung shara jahkrat nga ai, gumshem Myen hpyen dap hte KIA pawng hpawm hpyen hpung ni gasat gala majan matut byin nga ai lam chye lu ai.

Na Hpaw Bum, Ulaw Kawng hte Paga Shan gumshem Myen hpyen dap ni hpe, March shata 17 ya shani kaw na htim gasat nga ai hta Myen hpyen dap gaw shanhte a hpyen dap hpe nhkrat sum hkra, Jet nbungli hte bawm wa jahkrat gap gasat nga ding yang re.

KIA Masat (1) Dap Ba, Masat (10) Dap Dung ginra, Sumpra Bum kaw dap jung nga ai Hk.L.Y (46) gumshem Myen hpyen dap hte KIA Masat 8 Dap Ba ginra, Sinbu kaw dap jung nga ai Hk.L.Y (141) gumshem Myen hpyen dap hpe mung gasat nga ding yang re hpe chye lu ai.

Ndai zawn gasat gala majan byin nga ai shara shagu de, gumshem Myen hpyen dap gaw, Jet nbungli hte Y-12 nbungli kaw nna, nsin nhtoi n lata bawm wa jahkrat gap gasat nga ding yang re hpe chye lu ai.